Қазақстан Естелік банкноттарды қабылдаудан бас тартқан кәсіпкерлерге айыппұл салынады
"Күлтегін" түркі жазуы ескерткішіне арналған номиналы 1000 теңгелік банкнот Қазақстан бойынша төлем құралы болып табылады
Ол 2013 жылы 20 млн дана болып таралған.
Қазақстанның Ұлттық банкі бұл купюра заңды төлем құралы болып табылатындығын және пайдалану мерзімі шектеулі еместігін ескертті. Айналымнан тек табиғи тозығы жеткенде шеттетіледі.
- Кәсіпкерлік субъектілері мен коммерциялық емес ұйымдар 1000 теңгелік бұл купбраны қабылдаудан бас тартатын жағдайда ҚР ӘҚК 206-бабы бойынша шаралар қабылданады, - делінген Ұлттық банк хабарламасында.
Бірінші рет заң бұзғандарға ескерту жасалады. Келесі жолы 5-тен 25 АЕК-ге дейін айыппұл салынады (13 225 және 66 275 теңге).
Ал екінші деңгейлі банктер мен банктік операциялардың жеке түрлерін көрсететін ұйымдар үшін 50 АЕК көлемінде айыппұл қарастырылған.
