Қазақстан Қазақстанда дизель отыны қымбаттады
Энергетика министрлігінің болжамына қарамастан, дизель отынының бағасы өзінің тарихи бағамын жаңартты
Бүгінгі күні Қазақстанда дизель отыны литрінің орташа бағасы 192,4 теңгені құрайды, деп Колеса.kz сайтына сілтеме жасай отырып Tengrinews.kz сайты хабарлайды. Ең жоғарғы баға - 194 теңге болса, ең төменгі баға – 191 теңгені құрап отыр. Бес компанияның үшеуі - "ҚазМұнайГаз", Sinooil және "Газпром" дизель отынының бағасын көтерген. Ал Helios және Royal бағамдарды сол қалпы қалдырған.
Дегенмен, бензин бағасының өсуі байқалмады. Оның бір литрі 155-156 теңге аралығында.
Естеріңізге сала кетсек, қыркүйек айының басында Энергетика министрлігі изель жанармай бағасының өсу себептерін түсіндіре келе, болжам бойынша қараша айында дизель отынының құны төмендейді деп хабарлаған болатын.
