2020 жылға дейін 6,5 мың шақырым жол ақылы болмақ

- Республикалық маңызы бар жолдарды ақылы ету – болашақта қойылып отырған басты міндеттердің бірі. 2020 жылға дейін алты жарым мың шақырымнан астам жол ақылы болады, - дейді Жеңіс Қасымбек.

Ал 2017 жылдың соңына дейін 479 шақырым жол ақылы болмақ: Астана-Теміртау тас жолы (132 шақырым) және Алматы-Қапшағай тас жолы (142 шақырым).

- Аталған жол телімдерінің жөндеу жұмыстары желтоқсан айында аяқталады. Ал желтоқсан айынан бастап ақылы қызмет түрі енгізіле бастамақ, - дейді Қасымбек.

Ал ендігі жылдың бірініші кварталынан бастап 295 шақырымға созылатын Алматы-Хоргос тас жолы ақылы болады.