Цемент бағасы бақылауға алынды

Бағаның мұндай бағытын байқаған облыс әкімі де тиісті басқармаларға нарықтағы құнның неліктен өсіп жатқанын анықтауды тапсырды. - Шикізат пен қызмет көрсету бағалары бір қалыпты болса да, жергілікті өндірушілер цемент пен кірпіш бағасын өсіруде. Бұған бәріміз куә болып жүрміз. Менің ойымша бұл дұрыс емес, - деп атап өтті Даниал Ахметов. - Бәсекелестік болғаны дұрыс, бірақ бұл жерде белгілі бір түсініспеушілік бар секілді. Цемент пен кірпіш бағасы негізсіз қымбаттауда. Құрылыс, сәулет және қала құрылысы басқармасы алдағы уақытта материал бағаларына сараптама жүргізіп, бағаның қымбаттауы орынды не орынсыз екендігі жайында шешім шығарады. Егер негізгі құрылыс материалдары қымбаттай беретін болса, облыс басшылығы мердігерлерге қолдау көрсететін болады.