Қазақстандағы Америка елшілігі АҚШ-тан келетін турист санын арттыруды көздеп отыр

- Америка елшісі ретінде мен де екі ел арасындағы экспорт пен импортты арттыруға мүдделімін. Біздің елдің президенті сырттан инвестиция тарту арқылы елдің экономикасын дамытуға көп көңіл болып отыр. Егерде бұл бағытты біз бірігіп дамытатын болсақ, зор жетістіктерге қол жеткіземіз, - деді АҚШ елшісі.

Д.Кролдың ойынша, екі елдің арасындағы тұрақты байланыстарды күшейту керек.

- Қазақстанға инвестиция құю бойынша негізгі назарымыз энергетикалық көздерге түсіп отыр, әсіресе, мұнай мен газды өндіруді артуға көңіл бөлеміз. Сонымен қатар ауылшаруашылық, ақпараттық технология саласында да байланыстың орнағанын қалар едім, - деді Джордж Крол.

Сонымен қатар Д.Крол Қазақстанға келетін АҚШ туристерінің аз екендігін айта келе, мұның орнын толтыруға күш салатынын айтты.

- Қазақстанда АҚШ туристері өте аз, ал кейбірі тіпті бұл мемлекетті білмейді де. Мұның орнын толтыруға тырысамын. Есесіне, АҚШ-қа білім алуға, саяхаттауға баратын қазақстандықтар көп, - деп атап өтті Америка өкілі.