Зейнетақы тағайындау жүйесі өзгереді

- Бірінші кезеңде, яғни, 1 шілдеден бастап жыл басындағы 9%-ды ескергенде, енді зейнетақыға тағы 11% қосылады. Ал базалық зейнетақыға жыл басында 7% қосылғандықтан шілде айында 13%-ға көтеріледі. Бұл өсім барлық зейнеткерлерге қатысты және олардың жалпы саны 2 млн адамды құрап отыр. Бюджетті анықтау барысында осы бағытқа 80 млрд теңге қарастырылған, - деп атап өтті Еңбек және халықты әлеуметтік қорғау министрі Тамара Дүйсенова .

Ал министрдің айтуынша 2018 жылы базалық зейнетақы, мүгедектік бойынша және қамқоршысынан айырылған жандарға берілетін жәрдемақы  16%-ға дейін көтеріледі. 1ле ң төменгі күнкөріс деңгейіндегі өзгеріске байланысты болады.

- 2018 жылдың шілдесінде тек базалық зейнетақы көтеріледі. Нақтырақ айтсақ, тағайындау әдістемесі өзгереді, яғни, азаматтың зейнетақы жүйесіне қатысу өтілі ескеріледі. Қазір базалық зейнетақы тағайындауда еңбекақы мен еңбек өтілі маңызды емес, ол барлығына бірдей тағайындалатын болса, жаңа жүйе бойынша олай болмайды. Жаңа жүйе байынша зейнетақыны тағайындау егер бар болса азаматтың 1998 жылға дейінгі еңбек өтілі мен 1998 жылдан кейінгі зейнетақы жинақтау жүйесіне аударылған аударымдарына байланысты болмақ, - деді министр.

Осы орайда министр әріптестеріне аталмыш өзгеріске байланысты зейнеткерлерден қосымша құжаттарды талап етудің қажеті жоқ екендігін түсіндірді.