Облыстық мешітке көлік кілтін табыстады

ШҚО әкімдігі баспасөз қызметінің мәліметтеріне сүйенсек, мешіттің бас имамы Ермек қажы Мұқатай оған дейін өңір басшысымен кездесу барысында аудандарды аралау үшін көліктің жоқтығын айтқан болатын. Даниал Кенжетайұлы бұл мәселені шешу үшін бюджеттен тыс қаржы көздерінен қарастыруға уәде еткен. Енді бір айдан соң уәде орындалып, облыс басшысы өзі арнайы барып, мешітке су жаңа «Toyota Camry» көлігінің кілтін табыстады.

Ал көлікті алуға «Өскемен құрылыс» компаниясының директоры Ержан Ысқақов қаржылай қолдау көрсеткен.

Осы орайда айта кеткен жөн, биыл мешіт жанынан 50-60 орындық медресе құрылысы бастау алып, мешіт ғимаратының астындағы көлік тұрағы жөндеуден өтеді деп жоспарлануда.