Әскери гарнизонның подполковнигі есірткі сатқан
Әскери сот оны 9 жылға бас бостандығынан айырды
![Новости Казахстана / Әскери гарнизонның подполковнигі есірткі сатқан Новости Казахстана / Әскери гарнизонның подполковнигі есірткі сатқан](/upload/iblock/117/v2r2ve98w48oio551le9zevzxdce0x0y/podpolkovnik_v_akmolinskoy_oblasti_podrabatyval_zakladchikom.jpg)
Ақмола гарнизонының подполковник шеніндегі әскери қызметшісіне қатысты сот отырысы болды, деп хабарлайды Устинка LIVE тілшісі Орталық өңірлік ҚР ІІМ ӘТБ ақпаратына сүйеніп.
ҚР ІІМ Орталық өңірлік әскери-тергеу басқармасы синтетикалық есірткі сату, сондай-ақ есірткі тасымалдаумен айналысқан Ақмола гарнизонының подполковник шеніндегі "М" әскери қызметшісіне қатысты қылмыстық істі аяқтап, сотқа жіберді. 2024 жылдың 28 мамырында Қорғаныс министрлігінің Ұлттық әскери-патриоттық орталығында көрнекі сот отырысы өтті.
Әскери қызметшілердің қатысуымен әскерилер арасындағы құқық бұзушылықтың алдын алу мақсатында көрнекі соты өткізілді, - дейді ҚР ІІМ Орталық өңірлік әскери-тергеу басқармасының бастығы, полковник Мұхамед-Қали Қарсыбеков.
Қорыта келе, сот әскери қызметшіні Қазақстан Республикасы Қылмыстық кодексінің 297-бабының 2-бөлігімен кінәлі деп танып, мүлкін тәркілеусіз 9 жылға бас бостандығынан айырды.