Шекаралық облыстардың әкімдері ҚХР делегациясымен кездесті
Кездесуде екі ел арасындағы қарым-қатынасты дамыту мәселелері талқыланды
![Новости Казахстана / Шекаралық облыстардың әкімдері ҚХР делегациясымен кездесті Новости Казахстана / Шекаралық облыстардың әкімдері ҚХР делегациясымен кездесті](/upload/iblock/0dd/ugkpe3xvdkf41601hgbwwxkx8ze95sv7/imgonline_com_ua_Resize_xroc6S3VWJL.jpg)
Шекара маңында орналасқан облыстардың әкімдері ҚХР делегациясымен бірлескен кездесуге қатысты, деп хабарлайды Устинка LIVE тілшісі ШҚО әкімінің баспасөз қызметі ақпаратына сүйеніп.
Алматы қаласында ҚХР Мемлекеттік Кеңесі Премьер-Министрінің орынбасары Лю Гочжун еліміздің шекара маңында орналасқан аймақтар: Абай, Алматы, Шығыс Қазақстан, Жетісу облыстарының әкімдерімен бірлескен кездесу өткізді.
Кездесуде екі мемлекет арасындағы қарым-қатынасты дамыту, су үнемдеу технологияларын пайдалану, тау-кен өнеркәсібі мен туризмді дамыту бойынша және ауыл шаруашылығындағы ынтымақтастықты кеңейту мәселелері талқыланды. ҚХР өкілдері еліміздегі баламалы энергия көздерін дамытуға өз көмегін тигізуге әзір екенін мәлімдеді.
Сондай-ақ, екі ел студенттері арасындағы академиялық алмасу және мәдениет саласындағы серіктестік мәселесі талқыланды.