Қазақстан Бес облыс әлі де су астында отыр
Ақтөбе, Батыс Қазақстан және Қостанай облыстарында жағдай күрделі
Бұл туралы бүгін Үкімет отырысында төтенше жағдайлар вице-министрі Бауыржан Сыздықов баяндады, деп хабарлайды Устинка LIVE тілшісі.
Министрлік су тасқынының салдарын жою бойынша іс-шараларды үйлестіруді жалғастыруда.
Су тасқыны жағдайы тұрақты күрделі: батыс өңірлерде судың шамалы төмендеуі байқалады, елдің орталық, солтүстік және шығыс бөліктерінде өзендер деңгейінің қарқынды өсуі байқалады, - деді Бауыржан Сыздықов. - Су басу аймағында 5 облыс қалып отыр, әкімдіктер жергілікті ауқымдағы 20 ТЖ жариялады.
Ақтөбе, Батыс Қазақстан және Қостанай облыстарындағы жағдай әлі де күрделі.
Су тасқыны кезінде барлығы 15,7 мың адам құтқарылып, эвакуацияланды. Адам шығыны жоқ. Уақытша орналастыру пунктілеріне 4,1 мың адам орналастырылған. Оларға қажетті жағдай жасалған. Су тасқыны белсенді кезеңге өтпеген елді мекендерді су басуына жол бермеу жөніндегі алдын алу іс-шаралары күшейтілді, - деді ТЖ жөніндегі вице-министр.
