Қазақстан Қазақстандық спортшы шорт-тректен тарихи жүлде иеленді
15-17 наурыз аралығында Роттердамда (Нидерланд) шорт-тректен әлем чемпионаты өтті
Фото:
ҚР Спорт комитеті
Байрақты бәсекеде отандасымыз Денис Никиша күміс жүлде иеленді, деп хабарлайды Устинка LIVE тілшісі.
ҚР ТСМ Спорт және дене шынықтыру істері комитеті Спортты дамыту дирекциясы ақпаратына сүйенсек, бұл еліміздің тарихындағы ересектер арасындағы әлем чемпионатының алғашқы медалі.
Қазақстандық Денис Никиша 500 метр қашықтығында бақ сынап, мәреге екінші болып жетті.
28 жастағы отандасымыз былтыр Оңтүстік Кореядағы әлем чемпионатында 4-орынға табан тіреген болатын.