Қазақстан Бүгін жеті боксшымыз Олимпиада лицензиясына таласады
Бүгін боксшыларымыз үшін маңызды күн
Жеті жерлесіміз Париж Олимпиадасының жолдамасы үшін шаршы алаңға шығады, деп хабарлайды Устинка LIVE тілшісі ҚР Бокс федерациясының ақпаратына сүйеніп.
Италияның Бусто-Арсицио қаласында өтіп жатқан бокстан Әлемдік лицензиялық турнирдің бүгін тоғызыншы күні. Ширек финал делінгенімен Олимпиада лицензиясы сарапқа салынатын айқастар.
Сондықтан, әр жекпе-жек маңызды. Әр боксшымыз Қамшыбек Қоңқабаев пен Карина Ибрагимованың қатарын толықтыруға тырысады.
Сағат 17.30-да 92 келіде Айбек Оралбай пен Джамар Талли (АҚШ), 19.30-да 75 келіде Валентина Хальзова мен Синди Нгамба (Ұлыбритания), 23.00-да 50 келіде Алуа Балқыбекова мен Карина Макси Клетцер (Германия), 00.00-де 51 келіде Сәкен Бибосынов пен Киаран Макдональд (Ұлыбритания), 00.30-да 57 келіде Махмұд Сабырхан мен Асрор Вохидов (Тәжікстан), 00.45-те 71 келіде Асланбек Шымбергенов пен Сархан АЛИЕВ (Әзірбайжан), 01.30-да 80 келіде Нұрбек Оралбай мен Келин Кэйсиди (Ирландия) жұдырықтасады.
Боксшыларымыздың жекпе-жектерін boxingkazakhstan инстаграм парақшасынан тікелей эфирден көре аласыздар. Сондай-ақ, ҚАЗСПОРТ телеарнасында да тікелей көрсетілім жүргізіледі.
