Қазақстан Алматыда лай көшкіні басқан үй ішінен бір адамның денесі табылды
Түн ортасында Тау-Самал шағын ауданында техногендік сипаттағы топырақтың ылғалдануынан лай көшкіні жүрген
Екі жер үйге, оның ішінде біреуіне ішінара зақым келген. Үй ішінде қалған адамдарды іздеу, құтқару жұмыстары барысында бір адамның денесі табылды, деп хабарлайды Устинка LIVE тілшісі ҚР ТЖМ ақпаратына сүйеніп.
8 ақпанда сағат 02.20-да Алматы қаласы Медеу ауданының Тау-Самал шағын ауданында алдын ала ақпарат бойынша техногендік сипаттағы топырақтың ылғалдануынан жылжыманың түскендігі туралы ақпарат келіп түсті, - делінген ҚР ТЖМ мәлімдемесінде. - Сырғыма салдарынан екі үйге зақым келгені анықталды. Жақын маңдағы үйлердің тұрғындары эвакуацияланды. Жинау пунктіне орналастырылғаннан кейін бірнеше сағат өткен соң, тұрғындар өз еркімен достары мен туыстарына кетті.
Сағат 10.00-дегі жағдай бойынша Алматыда жылжыма түскен жерде жедел штаб құрылды. Қазіргі уақытта жеке тұрғын үйді балшық массасынан тазарту және адамдарды іздеу жұмыстары жүргізілуде.
Алматы қаласы ТЖД және Республикалық жедел-құтқару жасағының күштерімен қаза тапқан (алдын ала болжам бойынша 2007 жылғы) жас жігіттің денесі табылды.
Іздеу-құтқару жұмыстары жалғасуда.
