Қазақстан Мектептегі буллинг: сыныптасы 350 мың теңге талап еткен
Ақша бермеген жағдайда оның атынан "мектепте жарылғыш зат бар" деген хабарлама таратамын деп бопсалаған
Қарағандыда мектеп оқушысы өзінің сыныптасынан 350 мың теңге аударуды талап еткен, деп хабарлайды Устинка LIVE Polisia.kz ақпаратына сүйеніп.
Полицияға 39 жастағы азаматша шағымданды. Ол белгісіз біреу өзінің 14 жастағы ұлына 350 мың теңге ақша аудару туралы хат жолдағанын, ақша бермеген жағдайда ұлының атынан мектепте жарылғыш зат орнатылды деп хабарлама беретінін айтқан, - делінген хабарламада.
Полиция қызметкерлері хатты жазған адам анықтады. Ол арызданушының ұлының 15 жастағы сыныптасы болып шықты. Мектеп оқушысы бұл хатты ойнап жазғанын айтты.
Қазіргі уақытта мектеп оқушысын есепке қою, ал ата-анасын жауапкершілікке тарту сұрақтары қарастырылуда.