Қазақстан БҚО-да 425 адам қаржы пирамидасына 500 млн теңгеден астам сома салған
"Chia Tai Tianging Pharmaceutical" қаржы пирамидасының құрылымдық бөлімшесін ұйымдастырғандарға қатысты іс сотқа жіберілді
Күдіктілер 425 адамнан 523 млн теңге жинаған, деп хабарлайды Устинка LIVE ҚР Қаржылық мониторинг агенттігі ақпаратына сүйеніп.
Батыс Қазақстан, Ақтөбе және Атырау облыстары бойынша "Chia Tai Tianging Pharmaceutical" қаржы пирамидасының құрылымдық бөлімшесін ұйымдастырды деген күдіктіге қатысты істі ҚМА Батыс Қазақстан облысы бойынша Департаменті аяқтап, сотқа жіберді, - деп хабарлады ҚР Қаржылық мониторинг агенттігі. - Олар өздерін инвестициялық компания ретінде көрсетіп, жоғары және тұрақты кірісті уәде еткен. Бұл ретте,"Chia Tai Tianging Pharmaceutical" жеке тұлғалардың ақшасын тартып, кәсіпкерлік қызметке пайдаланбай, оларды қатысушылар арасында қайта бөлген.
Жалпы салымшылардың саны 425 адам (523 млн теңге сомасына). Оның ішінде 411-і жәбірленуші (490 млн теңгеге жуық сомаға).
Агенттік қызметкерлері азаматтарды қырағы болуға және өз жинақтарын күмәнді қаржы ұйымдарына салмауға шақырады.