Қазақстан Топырақты заңсыз сатқандар 850 млн теңге айыппұл арқалады
Атырау облысындағы "Нұрманияз-Атырау" ЖШС 2021-2022 жылдары 88 542 м³ топырақты заңсыз сатқан
Атырау облысының мамандандырылған табиғат қорғау прокуратурасы "Нұрманияз-Атырау" ЖШС-ның кең таралған пайдалы қазбаларды өндіруге рұқсатты пайдалана отырып, 2021-2022 жылдары 88 542 м³ топырақты заңсыз сатқаны анықталды, деп хабарлайды Устинка LIVE ҚР Бас прокуратура ақпаратына сүйеніп.
Рұқсатты беру үшін "Морское" кен орнындағы гидротехникалық құрылыстардың үйіндісін қалпына келтіру туралы мердігерлік шарт негіз болған. Алайда шартта топырақты өзге мақсатта сату көзделмеген.
Облыс әкімдігіне енгізілген прокурорлық қадағалау актісінің нәтижелері бойынша "Нұрманияз-Атырау" ЖШС-дан бұрын берілген рұқсат қайтарып алынды.
Аталған факт бойынша "Нұрманияз-Атырау" ЖШС-дан сотпен 851 млн теңге мемлекетке келтірілген залал өндірілді. Сот шешімі заңды күшіне енді.
Өз кезегінде, прокуратура "жер қойнауы ресурстарына, оның ішінде өңірдің экологиясына зиян келтіргені үшін жауаптылықтың сөзсіз болатынын" ескертеді.