Қазақстан 21 жасқа дейінгілерге энергетикалық сусын сатуға тыйым салынбақ
Елімізде 11-15 жастағы жасөспірімдердің 17,5%-ы энергетик, тәтті сусындар ішуге құмар
Бұл туралы Денсаулық сақтау министрі Ажар Ғиният үкімет отырысында айтты, деп хабарлайды Zakon.kz.
Денсаулық сақтау министрлігінің мәліметінше, елімізде 11-15 жастағы жасөспірімдердің энергетик, тәтті сусындарды ішуі 17,5%-ға тең.
21 жасқа дейінгі адамдарға энергетик сусындарды сатуға тыйым салуды енгізу жөніндегі норманы талқылау рәсімі жүргізіліп жатыр, - деді Ажар Ғиният.
Темекіні тұтынуды азайту үшін 2023 жылғы 1 қаңтардан бастап темекі өнімдеріне акциздің ставкалары көтерілді. Тұтынудың электрондық жүйелерінің (вейптер), олар үшін хош иістендіргіштер мен сұйықтықтардың айналымына толық тыйым салуды енгізу бойынша мәжілісте Заңға өзгерістер қарастырылды.
Елімізде ересек тұрғындардың 21%-ы темекі тартады. Балалардың 20%-ы артық дене салмағынан, ал 6%-ы семіздіктен зардап шегеді.