Қазақстандағы 700-ден астам кәсіпорын өз жұмыскерлеріне жалақы төлемеген

Бұны мемлекеттік еңбек инспекторлары анықтады, деп хабарлайды Устинка LIVE тілшісі ҚР Еңбек және халықты әлеуметтік қорғау министрлігі ақпаратына сүйеніп.

2023 жылғы 1 қыркүйектегі жағдай бойынша Мемлекеттік еңбек инспекторлары республиканың 754 кәсіпорны 19,4 мың жұмыскерге 5,7 млрд теңгеден астам сомаға жалақы бойынша берешек екенін анықтады, - делінген хабарламада.

Осы кәсіпорындардың басшыларына 105,3 млн теңгеден астам сомаға айыппұл салынған.

Қабылданған шаралар, соның ішінде жалақы бойынша берешекті өтеудің қатаң кестелері мен мерзімдерін белгілеу нәтижесінде 15,4 мыңнан астам жұмыскердің құқығы қорғалды. Оларға 5,1 млрд теңге төленді.