Қазақстан Ақмола облысында жүк көліктерін заңсыз тіркегендер әшкереленді
2 жыл бойы қылмыстық қызметпен айналысып келгендердің арасында мамандандырылған ХҚКО жұмысшылары да бар
Бұның салдарынан мемлекетке 700 млн теңгеден астам шығын келтірілді, деп хабарлайды Устинка LIVE ҚР Қаржылық мониторинг агенттігі ақпаратына сүйеніп.
Тергеу барысында ҚМА аумақтық департаменті Көкшетау қаласының ХҚКО мамандандырылған бөліміне Еуропадан әкелінген 100-ден астам автокөлік құралын алғашқы тіркеу үшін алым төлеу туралы жалған төлем құжаттарын беру фактілерін анықтады, - делінген хабарламада. - Қылмыстық іс-әрекеттің нәтижесінде мемлекетке 700 млн теңгеден астам шығын келтірілді.
Аталған фактілер бойынша сотқа дейінгі тергеп-тексеру басталды және күдікті адамдарға қатысты сот қамауда ұстау түріндегі бұлтартпау шарасына санкция берді.
