Қазақстан Түркістан облысында 5 жасар қызды зорлап, өлтірген күдіктіге қатысты сот үкімі шықты
48 жастағы сотталушыға кастрация жасалып, қалған өмірін темір торда өткізетін болады
Сарыағаштағы 5 жасар қыздың өліміне қатысты күдіктіге сот үкімі шықты, деп хабарлады ҚазАқпарат.
Оқиға 13 шілде күні болған. Спирттік іщімдікке мас күдікті үйіне келе жатқан жолда ойнап жүрген 5 жасар қызды алдап алып кеткен. Күш қолдана отырып қаршадай қызға сексуалдық сипаттағы зорлық-зомбылық көрсеткен. Артынша қылмысын жасыру үшін оған асхана пышағын бірнеше рет сұққан.
Сот үкімі Шымкент қаласы Сәуле ықшамауданында орналасқан ИЧ-69 мекемесінде оқылды.
48 жастағы сотталушы "Адам өлтіру" және "Сексуалдық сипаттағы зорлық-зомбылық әрекеттері" бабы бойынша кінәлі деп танылып, қалған өмірін темір тордың ар жағында өткізетін болды. Сондай-ақ, оған кастрация жасалып, 100 млн теңге көлемінде моральдық өтемақы төлеуге міндеттелді.
Айта кеткен жөн, Президент Бас прокуратура мен Ішкі істер министрлігіне қайғылы оқиғаның мән-жайын мұқият тексеруді тапсырған болатын.
