Қазақстан Коммуналдық мекеме басшысы 13 мың метр құбыр ұрлаған
Жезқазған қаласындағы мемлекеттік мекемелердің бірінің бұрынғы басшысы жалпы сомасы 288 млн теңге болатын құбырды ұрлады деген күдікке ілікті
Мемлекет мүлкін қолды еткен ол тергеуді жаңылыстыру үшін жалған ақпарат берген, деп хабарлайды Устинка LIVE ҚР Қаржылық мониторинг агенттігі ақпаратына сүйеніп.
Ұрлық фактісін анықтау кезінде лауазымды тұлға аталған нысанның мемлекеттік органның балансында жоқтығы туралы жалған анықтамалар беріп, тергеуді қасақана жаңылыстырған, - делінген хабарламада. - Бұл құбыр Жезқазған қаласының әуежайы маңында орналасқан саяжай учаскелерін сумен қамтамасыз етуге арналған.
Айта кетейік, қазіргі уақытта аталған азамат коммуналдық кәсіпорынның қызметкері емес.
Қылмыстық іс сотқа жолданды. ҚР ҚПК 201-бабы тәртібінде өзге ақпарат жария етуге жатпайды.
