Қазақстан 1-сыныпқа құжат қабылдау 1 тамызда аяқталады
Қабылдау басталған 4 ай ішінде 350 453 баладан өтініш түскен
ҚР Оқу-ағарту министрлігі өтініштер енді бір апта ғана қабылданатынын еске салды, деп хабарлайды Устинка LIVE.
Өтініш беріп үлгермегендер құжаттарды Еgov.kz электронды үкімет веб-порталы және жергілікті атқарушы органдардың ақпараттық жүйелері арқылы тапсыра алады, - деп ескертеді министрліктегілер. - 1-сыныпқа балалар 6 жастан бастап ата-анасының немесе баланың заңды өкілінің өтініші негізінде қабылданады. Сондай-ақ, денсаулық жағдайы туралы құжаттар (026/у-3 нысаны және 065/у) және 3х4 өлшемді 2 фотосурет қоса беріледі.
Айта кетейік, құжаттарды қабылдау 1 сәуірден басталып, 4 айда 350 453 өтініш түскен. Ал 1-сыныпқа қабылданған балалардың 71,2%, қазақ тілінде оқытатын мектептерді таңдаған.
Алдын ала болжам бойынша, жаңа оқу жылында 410 мыңнан астам бала 1-сыныпқа барады деп күтілуде.
