Қазақстан Түркістанның тұрғыны балаларға заңсыз діни сабақ өткізген
Заңсыз діни сақатарға қатысып келген 70-ке жуық оқушының арасында ШҚО-ның баласы да бар
Түркістан облысы ПД экстремизмге қарсы іс-қимыл басқармасы мен Түркістан облысы бойынша Ұлттық қауіпсіздік комитетінің қызметкерлері бірлесіп, жедел іс-шаралар өткізу барысында, кәмелетке толмағандарға заңсыз діни сабақ берген ер адамды анықтады, деп хабарлады Polisia.kz.
Ол өз үйінде 5 жастан 17 жасқа дейінгі 68 балаға сабақ беріп, діни уағыздарды заңсыз өткізген, ал оқу ақысы 100 мың теңгені құраған.
Оқушылар арасында Түркістан ғана емес, Абай, Шығыс Қазақстан, Жамбыл облыстары мен Өзбекстан Республикасының балалары да білім алғаны анықталды.
Полицейлер жергілікті тұрғынның үйінен сараптамаға бағытталған 100-ден астам діни сипаттағы кітаптарды тәркіледі, - делінген хабарламада. - Ер адамға қатысты ҚР ӘҚБтК-ның 490-бабы 3-бөлігі (ҚР діни қызмет және діни бірлестіктер туралы заңнамасын бұзу) бойынша әкімшілік хаттама толтырылды.