Қазақстан Елдегі спорт саласын дамытуға бөлінген мемлекет қаржысы бақылауда
Тек соңғы жарты жыл ішінде агенттік жалпы сомасы 269,3 млн теңге тиімсіз жұмсалған 21 іске қатысты тергеу жүргізуде
ҚР Қаржылық мониторинг агенттігі дене шынықтыру және спорт саласын дамытуға бөлінген мемлекет қаржысының ұрлануының алдын алу бойынша жұмыс жүргізуде, деп хабарлайды Устинка LIVE.
Спорттық-сауықтыру іс-шараларының, нысандардың, құрама командалардың, бұқаралық спорттық іс-шаралардың, федерациялардың рейтингісі мен қауіптері көрсетілген тізбесі қалыптастырылды. Сондай-ақ, саланы қаржыландырудың жолдары мен көлемі, оның ішінде демеушілік көмек көлемін анықтау бағытында жұмыстар жүргізілуде, - делінген ҚР Қаржылық мониторинг агенттігі хабарламасында.
2023 жылдың 6 айында ғана Агенттікте жалпы сомасы 269,3 млн теңге залал келтірілген 21 іс тергелуде.
Айта кетейік, ашық ақпарат көздерінен алынған мәліметтерге сәйкес, 2019-2023 жылдар аралығында спортты дамытуға шамамен 300 млрд теңге бөлінген.
Агенттік тауарлар мен қызметтерді жоғарылатылған бағамен сатып алу, қызмет көрсетудің нақты орындалмауы және басқа да бұзушылықтар бойынша талдау жүргізеді, - делінген хабарламада. - Жүргізілген жұмыстардың нәтижесінде спортты дамытуға бөлінген бюджет қаражатының ұрлануына жағдай туғызатын себептерді анықтау және мұндай заң бұзушылықтардың алдын алатын тетіктерді жетілдіру бойынша ұсыныстар әзірлеу жоспарлануда.