Қазақстан Головкин мен британдық Райдердің жекпе-жегі Қазақстанда өтуі мүмкін
Қазіргі таңда қос боксшы арасында жекпе-жек өткізу туралы келіссөздер жүріп жатыр
Фото:
instagram.com/gggboxing
Головкин кездесуді Қазақстанда өткізуді ұсынған, деп хабарлады Sports.kz.
Орта салмақтағы бұрынғы әлем чемпионы, 41 жастағы қазақстандық боксшы Геннадий Головкин (42-2-1, 37 КО) 34 жастағы британдық Джон Райдермен (32-6, 18 КО) жекпе-жек өткізу жөнінде келіссөзді бастаған.
Бұл туралы Райдермен сұхбаттасқан GiveMeSport журналисі Чарли Симс мәлімдеді.
Джон Райдермен жақсы әңгіме болды. Головкинмен келіссөздер басталды, Геннадий мырза кездесуді Қазақстанда өткізуді ұсынды, - деп хабарлады Симс.
Райдер мен Головкин соңғы жекпе-жектерінде төрешілердің бірауыздан қабылдаған шешімімен мексикалық Сауль "Канело" Альварестен (58-2-2, 39 КО) жеңілген.
