Қазақстан Қазақстан бойынша ШҚО-да қартаю индексі ең жоғары
Жалпы елде бір жыл ішінде қартаю индексі 1,6 пунктіге көтерілген
Ал халқы ең жас өңір – Маңғыстау облысы, деп хабарлайды Устинка LIVE тілшісі Ұлттық статистика бюросының ақпаратына сүйеніп.
Қазақстанда 2022 жылы қартаю индексі 28,2 құрады, осылайша көрсеткіш бір жыл ішінде 1,6 пайыздық тармаққа өсті (26,6 – 2021 ж.). Бұл дегеніміз 0 мен 15 жас аралығындағы әрбір 100 балаға 65 жастан асқан 28,2 қариядан келеді, - делінген хабарламада.
Өңірлер бөлінісінде ең жоғары индекс ШҚО-да – 56,9, одан кейін Солтүстік Қазақстан – 56,3 және Қостанай облыстары – 48,9.
Бұл ретте, халқы ең жас өңір – Маңғыстау облысы, соңғы 10 жылдан бері онда туу көрсеткішінің ең жоғары коэффициенті тіркеліп отыр. Онда 100 балаға 65 жастан асқан 10,8 қарттан келеді. Сондай-ақ қартаюдың төмен индексі Түркістан облысында – 11,3 және Шымкент қаласында - 11,7.
