Қазақстан ШҚО оқушылары "Айбын-2023" әскери-патриоттық жастар жиынына аттанды
Ертең Қарағанды облысында жыл сайынғы "Айбын" жастар жиыны басталады
Жарыстар 17-23 маусым аралығында өтеді, деп хабарлайды Устинка LIVE тілшісі.
Өскеменде "Айбын" әскери-патриоттық жиынының облыстық кезеңі ұйымдастырылған болатын. Онда Алтай ауданының құрамасы үздік нәтиже көрсеткен. Яғни, №8 мектептің жасөспірімдері халықаралық кезеңге жолдама алды. Бүгін жас жеткіншектерді ата-аналары, сыныптастары ШҚО Қорғаныс істері жөніндегі департаменті өкілдері дүбірлі додаға шығарып салды. Облыстың намысын арқалап кеткен өрендерге сәтті сапар тіледі.
Облыстық кезең жеңіл болды деп айта алмаймын. "Айбын" әскери-патриоттық жиынына өңірдің мықты командалары қатысты. Дегенмен, жетекшіміздің бізге берген тапсырмаларын толық орындағанымыздың арқасында бүгін халықаралық сында бақ сынауға мүмкіндік алып отырмыз. Жеңістің тұғырынан көрінуге бар күш-жігерімізді саламыз, - деді қатысушылардың бірі Аружан Матактанова.
Жарыстар 17-23 шілде аралығында Қарағанды облысының "Спасск" оқу орталығында өтеді.
Оқу орталығының аумағында 43 командадан тұратын 700-ден астам жасөспірімдер мен оқушылар үшін шатырлы лагері ашылды, - ҚР Қорғаныс министрлігі баспасөз ақпаратында. - Байқауға Қазақстанның түкпір-түкпірінен 14-17 жас аралығындағы балалар қатысады. Биылғы жиынға алғаш рет Әзербайжан мен Өзбекстанның командалары шақырылып отыр. Байқау бағдарламасында "Айбын дарыны" зияткерлік ойыны және "Күшіміз – бірлікте" әскери-далалық тактикалық ойыны, "Айбын жұлдызы" шығармашылық байқауы және Smart Sarbaz робототехника сайысы бар. Әскери-спорттық, әскери-қолданбалы спорт түрлері және әскерилендірілген эстафета бойынша жарыстар өткізу үшін алаңдар дайындалды.