Қазақстанда ПИК-тер жұмысын жалғастыратын болды

Өзгеріске сәйкес, 2023 жылғы 1 шілдеден бастап пәтер иелері кооперативі (ПИК), пәтерлер, тұрғын емес үй-жай меншік иелерінің тұтыну кооперативтері, көппәтерлі тұрғын үйді басқару жөніндегі тұтыну кооперативтері қызметін тоқтатуды көздейтін норма заңнан алынып тасталды, деп хабарлайды Tengrinews.kz.

Яғни, ПИК және тұтыну кооперативтері Қазақстандағы жұмысын жалғастырады.

Еске салайық, бұған дейін Қазақстанда заң күшіне енген болатын, оған сәйкес меншік иелерінің бірлестіктері (МИБ) ПИК-ті алмастыратын болды. Реформа 2022 жылдың 1 шілдесіне дейін жүзеге асырылуы керек еді. Кейін көппәтерлі үйлерді басқарудың жаңа нысанына көшіру мерзімдері былтырғы 1 шілдеге дейін ұзартылды.

Биыл сәуірде елдің әлеуметтік-экономикалық дамуына арналған кеңесте Президент Қасым-Жомарт Тоқаев мұндай реформаның орындалуына күмән келтірген болатын.

Меншік иелерінің бірлестігі институтын енгізуге бағытталған реформа аяқталмады пәтер иелері кооперативімен қатар халыққа қызмет көрсету орталықтары жұмыс істеп жатыр. Біз меншік иелерінің бірлестігі реформасымен үлкен қате жібердік, - деді Мемлекет басшысы.