Қазақстан ҚР Президенті Түркия басшысын сайлаудың бірінші кезеңіндегі жеңісімен құттықтады
Жексенбі күні Түркияда президент сайлауы өткен болатын
Фото:
Ақорданың ресми сайтынан
ҚР басшысы Қасым-Жомарт Тоқаев Түркия Президенті Режеп Тайип Ердоғанмен телефон арқылы сөйлесті, деп хабарлайды Устинка LIVE Ақордаға сілтеме жасап.
Әңгімелесу барысында Мемлекет басшысы Қасым-Жомарт Тоқаев Режеп Тайип Ердоғанды Түркиядағы президент сайлауының бірінші кезеңінде жеңіске жетуімен құттықтады.
Президент сондай-ақ парламенттік сайлауда Әділет және даму партиясы бастаған республикалық альянстың жеткен жетістігін атап өтті.
Сонымен қатар, Қазақстан мен Түркия президенттері бауырлас екі ел арасындағы көпжақты ынтымақтастықты одан әрі тереңдету мәселелерін талқылады.
