Өскемен мен ШҚО Өскеменде қайтарымсыз грантқа өтінім қабылдау басталды
Бизнес бастағысы келетін облыс орталығының тұрғындарына қайтарымсыз грант беріледі
Өз ісін бастағысы келетін тың идеясы бар азаматтарға мемлекет тарапынан 1 млн 400 мың теңге мөлшерінде қолдау көрсетіледі, деп хабарлайды Устинка LIVE тілшісі.
2023 жылғы 15 мамырдан 26 мамыр бойынша 400 АЕК (1 380 000 теңге) көлеміндегі грантқа 2-ші ағымға өтініштер қабылдау басталды, - делінген Өскемен қалалық жұмыспен қамту орталығының ақпаратында. - Грантқа конкурсқа қатысу үшін үміткер business.enbek.kz порталында өз бетінше өтінім мен бизнес-жоспар береді.
Конкурсқа қабылдау автоматты түрде жүзеге асырылады. Өтінімдерді қабылдау аяқталғаннан кейін өтініш берушілер 1414 нөмірінен бизнес жобаларын қорғау жөніндегі комиссияның күні, уақыты және орны туралы SMS-хабарламалар алады.
Грант қайтарымсыз негізде берілетінін еске саламыз.
Қосымша сұрақтар бойынша 700-659 телефон нөміріне немесе Шәкәрім даңғылы, 149/10 мекенжайы бойынша (5-кабинетке) жүгінуге болады.
