Қазақстан Байқоңырдағы Ресей меншігіндегі мүлік Қазақстанға қайтарылды
Үкіметтің "Мүлікті республикалық меншікке қабылдау туралы" қаулысы шықты
Қаулы бойынша Ресей меншігіндегі мүлік Қазақстанға өтеусіз қайтарылады, деп хабарлайды Устинка LIVE halyq-uni.kz сайтына сілтеме жасап.
Осы қаулы қосымшасына сәйкес Ресей Федерациясының федералды меншігіндегі мүлік республикалық меншікке өтеусіз негізде қабылдансын, - делінген құжатта.
Осылайша, Қазақстан өзінің мемлекеттік меншігіне 1991 жылы шығарылған 11F647M "Экран-М" ғарыш кемесі, оның құрамдас бөліктері мен бөлшектерін, 1993 жылы шығарылған құрастыру-қорғау блогы, оның құрамдас бөліктері және қосалқы құралдар мен арматураны, 1991 жылы шығарылған объектілерді тестілеу жүйесі мен 1986 жылы шығарылған жүйенің екі данасын алатын болды.
Жарлық қол қойылған 2023 жылғы 3 наурыздан бастап күшіне енді.
