Қазақстанда интернет неге нашар жұмыс істеп тұр?

"Мемлекеттік техникалық қызмет" АҚ Қазнетке бүгін тағы кибершабуыл жасалғанын жария етті, деп хабарлайды Устинка LIVE тілшісі ҚазАқпаратқа сілтеме жасап.

Мемлекеттік техникалық қызмет» бүгін таңертең Қазнетке ауқымды кибершабуылдың тағы да тіркелгенін хабарлайды. Мұндай жайт еліміздің барлық өңіріндегі интернетке қосылу жұмысына кері әсерін тигізеді. Қазіргі уақытта "Мемлекеттік техникалық қызмет" АҚ техникалық мамандары қауіп-қатерді жою жұмыстарын жүргізіп жатыр, - делінген аталған қызметтің Іnstagram парақшасында жарияланған ақпаратта.

Мақсатты кибершабуылдар елдің мемлекеттік органдарына да, Қазнет инфрақұрылымына да бағытталған.

Оның салдарынан интернетке қосылуда кідіріс орын болып жатыр. "МТҚ" АҚ ұзақ мерзімді кибершабуылдар елде және әлемде болып жатқан қоғамдық оқиғаларға байланысты деп болжайды.