Қазақстан Әуезовтің мерейтойына орай коллекциялық монеталар шықты
Кеше қазақ елі жазушы, әдебиеттанушы ғалым, драматург Мұхтар Әуезовтің 125 жылдық мерейтойын атап өтті
Осы меретойға орай Қазақстан Ұлттық банкі MUHTAR ÁÝEZOV. 125 JYL коллекциялық монеталарын айналымға шығарады, деп хабарлайды Устинка LIVE тілшісі.
Бұл монеталар "Есте қалатын оқиғалар мен біртуар адамдар" сериясын жалғастырады.
Номиналы 500 теңгелік монеталар:
- күміс монетаның сапасы – proof, массасы – 24 грамм, диаметрі – 37 мм, таралымы – 2 000 дана.
Номиналы 100 теңгелік монеталар:
- мельхиор қоспасынан дайындалған монетаның сапасы – brilliant uncirculated, массасы – 15 грамм, диаметрі – 33 мм, таралымы – 20 000 дана.
Монеталардың сатылымға түсетін күніне қатысты ақпарат ҚҰБ-тың ресми сайтында қосымша хабарланады.
Коллекциялық монеталар Қазақстан Республикасының бүкіл аумағында өзінің белгіленген құнына сай төлемнің барлық түрі бойынша қабылдануға, еліміздегі банктерде шотқа есепке алынуға, аударылуға, ұсақталуға және айырбасталуға жатады, - деп мәлімдеді ҚҰБ. - Күмістен жасалған монеталар мемлекеттік тілде, орыс және ағылшын тілдерінде ҚҰБ-тың нөмірлі сапа сертификаты бар кәдесый орамында болады. Мельхиор қоспасынан жасалған монеталар жеке блистерлік орамда шығарылады.
Коллекциялық монеталар Қазақстан теңге сарайында дайындалды.
