Қазақстан Елімізде дамуында ауытқуы бар балаларға арналған 13 орталық ашылады
Бұнда орталық биыл ШҚО мен Алматыда ашылған болатын
2023 жылдың соңына дейін дамуында ауытқуы бар балаларға арналған 13 ерте араласу орталығы ашылатындығын Үкімет отырысында ҚР Денсаулық сақтау министрі Ажар Ғиният айтты, деп хабарлайды Устинка LIVE ҚазАқпаратқа сілтеме жасап.
1 жасқа дейінгі балаларды проактивті бақылаумен және скринингпен қамту 81 пайызға дейін артты. Биыл жылына 5 мыңға жуық баланы қамтитын 8 балаларды оңалту орталығы, сондай-ақ, 3 жасқа дейінгі дамуында ауытқушылықтары бар, әсіресе шала туған балаларға арналған 2 ерте араласу орталығы Алматы және Шығыс Қазақстан облытарында ашылды. 2023 жылдың соңына дейін 10 мыңнан астам баланы қамтитын 13 орталық ашу жоспарланған, - деді министр "Дені сау ұлт" әрбір азамат үшін сапалы және қолжетімді денсаулық сақтау" ұлттық жобасының бірінші жартыжылдықтағы нәтижелері жайында баяндай келе.
Оның дерегінше, дәрілік заттардың тізбесіне балалардың орфандық және ауыр ауруларын емдеуге арналған 17 препарат сатып алынып жатыр.