Қазақстан Тоқаев үкіметтің кеңейтілген отырысында үш министрге сөгіс жариялады
Олар - сауда және интеграция министрі Бақыт Сұлтанов, ауыл шаруашылығы министрі Ербол Қарашөкеев және экология, геология және табиғи ресурстар министрі Серікқали Брекешов
Мемлекет басшысы елдегі қант тапшылығы жағдайына байланысты Сауда министрі Бақыт Сұлтанов пен Ауыл шаруашылығы министрі Ербол Қарашөкеевке және киіктерге байланысты Экология министрі Серікқали Брекешевке сөгіс жариялады, деп хабарлайды Экспресс К.
Біз шетелден келетін қантқа 90 пайызға тәуелдіміз. Бұл жерде ЕАЭО аясындағы шешімдерге сілтеме жасауға болады, дегенмен бұл Үкіметтің үлкен қателігі. Демек, мемлекет ұстанымын қорғай алмады. Үкімет шұғыл түрде қант саласын дамыту жөніндегі жеке салалық жобаны әзірлеуі керек. Ондағы мақсат - импортқа тәуелділікті едәуір қысқарту, өзін-өзі қамтамасыз етуге біртіндеп көшу, - деді Президент.
Сондай-ақ, киіктерді атуға ниет білдіргені үшін Экология министрі Серікқали Брекешевке де сөгіс жарияланды. Президенттің айтуынша, мұндай қадам тым төтенше шара және мұндай жағдайда басқа шешім табуға болатын еді.
