Қазақстан Балалардың қолынан телефонды тартып алған жігіт ұсталды
Қаскүнемнен жәбір көргендер 12 мен 15 жас аралығындағы балалар. Қазір күдікті уақытша ұстау изоляторына қамалды
22 жасар Н. есімді ер адам жәбірленушілер ретінде балаларды таңдаса, ал ұялы телефондар ұрлықтың нысаны болды. Ол кәмелетке толмағандардың қасына келіп, әңгімеге тарта отырып бір рет қоңырау шалу үшін телефондарын сұрайды екен. Сосын қашып кетеді, деп хабарлайды Polisia.kz. сайты.
- Ол телефонды қолдан жұлып алып, қашып кеткен сәт болды. Бірақ барлық жағдайда күдікті балалармен, дәлірек айтқанда 12 жастан 15 жасқа дейінгі жасөспірімдермен алдымен әңгімелесе бастайды. Бұрын сотталмаған жас жігіт өзінің әрекетін ақшаның жетіспеушілігімен түсіндірді. Бұл дені сау әрі жас жігітке сылтау бола ала ма? Жас кезінде көптеген адамдар қаржылық қиындықтарға кезігеді, бұл өмір кезеңі бізге ақшаны ұтымды пайдалануға, ақша табуға, үнемдеуге, саудаласуға және алған заттарыңа ұқыпты қарауға үйретеді. Енді ПД-нің уақытша ұстау изоляторында қамауда отырған уақытта оған адал және заңды түрде ақша табу үшін қандай мүмкіндіктері бар екенін түсінуге тура келеді. Н. есімді ер адамға қатысты ҚР ҚК-нің 191-бабы (Тонау) бойынша сотқа дейінгі тергеу амалдары жүргізілуде, - деді Наурызбай аудандық Полиция басқармасының бастығы Дидар Аханов.
Следующая →
