Шымкент тұрғыны дүкенде азық-түлік үшін жалған долларлармен есеп айырысқан

Азық-түлік дүкендерінің бірінде қала тұрғыны 2 200 теңгеге сауда жасап, 100 АҚШ долларын төмен бағада қабылдауды сұраған, - деп хабарлайды Tengrinews.kz тілшісі Қаржы министрлігі қаржы мониторингі комитетінің баспасөз қызметіне сілтеме жасап. 

- Дүкен сатушысы банкнотаны 35 000 теңге ретінде қабылдап, 32 800 теңге қалған ақшасын қайтарған. Ақша айырбастау пунктіне барған кезде 100 АҚШ долларының жалған ақша екендігі анықталған, - делінген хабарламада. 

Шымкент қаласы Әл-Фараби аудандық сотының үкіміне сәйкес, қала тұрғыны ҚР Қылмыстық кодексінің 231-бабы бойынша (жалған ақша немесе бағалы қағаздар жасау, сақтау, алып өту немесе өткізу) қарастырылған қылмысты жасағаны үшін кінәлі деп танылып, оған 1 жылға бас бостандығынан айыру жазасы тағайындалды.