Қазақстанда алкогольсіз сусындар бағасы қымбаттаған

Мамандардың есептеуінше, осы жылдың бірінші тоқсанында су мен алкогольсіз сусындарды тұтыну көрсеткіші 22%-ға артқан, деп жазады energyprom.kz сайты.

Мәселен, бөтелкедегі асхана суы мен минералды су бағасы қалаларда 1,6%-ға өсіп, 1 литріне 94,3 теңгені құрады.

Ең қымбат ауыз суы Атырауда литріне 116 теңгеден, екінші орында Семей – 109 теңге, үшінші орында Петропавл – 104 теңге.

Коронавирус пандемиясы кезінде минералды және газдалған су өндірісі азайып қалған. Бұған дейін екі жыл бойы көрсеткіштер жоғарылап келе жатқан. Ал басқа алкогольсіз сусындар өнімін 4,2%-ға, яғни, 488,9 миллион литрге дейін ұлғайтқан.