Қазақстан Елден 100 млн теңге ұрлап қашқан банкир Ресейде табылды
Қаскөй ұрланған ақшаның жартысын несие төлеуге жұмсаған
Ұры Челябинск облысында қолға түсті.
Ол Қостанай облысындағы Жітіқарада 12 қараша күні 223 мың долларды жымқырған, деп жазады Sputnik Қазақстан сайты. Ұрының жасы 29-да.
Ақшаны қалтасына басып алып таксиге отырып Ресейге тайып тұрған.
- Тәртіп сақшылары күдіктіні алдымен "Куб" дүкені маңынан, кейін қала ішінен іздеген. Тек бір аптадан кейін табылды, ол Ресейде жалдамалы пәтерде тығылып жатқан екен, - делінген хабарламада.
Ұрланған қаржының жартысын өзінің және туыстарының атына рәсімделген 8 несиесін жабуға жұмсаған.