Шымкентте екі бала уланып көз жұмды

Бұл туралы қалалық ТЖД мәлімдеді. Мекеменің мәліметтеріне сүйенсек, 1987 жылғы әйел мен оның 2018 және 2015 жылғы ұлдары, 11 жастағы қызы өткен жексенбі күні "тамақтан улану" диагнозымен инфекциялық ауруханаға түскен.

Кейін анасы мен екі баланы Орталық қалалық аурухананың таксикологиялық бөлімшесіне ауыстырылды.

- 11.00-де инфекциялық ауруханада 2015 жылғы ұл, ал 14.00-де таксикологиялық бөлімшеде 2018 жылғы ұл бала көз жұмды. Өлімге не себеп болғаны анықталу үстінде, сот-медициналық сараптама тағайындалды, - делінген хабарламада.

ТЖ бойынша департамент бұл отбасы орталықтандырылған жылыту жүйесі бар көпқабатты үйде тұратындығын атап өтті.

- Жіті талдау жүргізілгеннен кейін оқиға орнында иіс газына улану фактісі тіркелген жоқ, - деп қосты ТЖД мамандары.