Қазақстан Алдағы қыс қатал болмақ
Қазгидромет орталығы хабарлағандай, был қыс соңғы жылдардағыдан қатал болмақ. Тіпті, қарашадан басталып кететін қысқы аяздарға дайын болу керек
Синоптиктердің болжауынша қараша айында елдің солтүстік, шығыс және орталық өңірлерінде ауа температурасы -27 градусқа дейін төмендейді. Ал батыс, оңтүстік және оңтүстік-шығыста -20 градусты көрсетеді. Сонымен қатар, қараша айы жауын-шашынға да бай болмақ. Бір ай бойы тұман түсіп, қатты жел соғып, көктайғақ күтіледі. Ал желтоқсан айының бірінші аптасында керісінше ауа райы суық, бірақ жауын-шашынсыз болмақ.
Қыс қаһары әдеттегідей қаңтар айында мінеді. Елдің солтүстігінде температура -45 градусқа дейін төмендейді деп күтілуде. Ал ақпанда синоптиктер күн райы сәл де болса жылынады деп уәде беруде. «Қазгидрометтегілер» автожүргізушілерге тез арада дөңгелктерін қысқыға ауыстыруға кеңес береді.
- Түнгі ауа температурасы шамамен 5-10 градус суықтықты көрсетсе, күндіз өте жоғары, нөлдің шамасында. Сондықтан да, көлік дөңгелектерін ауыстырып алып, уайымсыз жүрген дұрыс. Өйткені, көктайғақ болуы мүмкін, - дейді «Қазгидромет» РММ гидрометорталығының директоры марина Шмидт.
