Спорт сарайы жаңа кейіпке енуде

Спорт сарайын қайта жөндеу барысында үзіліс кезінде  жиналатын фойе көрермендердің демалуына және сауда-саттық жасауы үшін кеңейтіледі.

- Бұл фойенің ішінде балаларға арналған, демалуға арналған орындар, футкорт пайда болады. Біз спортқа балаларын баулитын тұрғындарға арнап жағдай жасаудамыз. Өйткені мен өзім бұл хоккейге ерлер ғана емес, әйелдер де, әжелер де келетінін байқадым. Яғни өскемендіктердің барлық тұрғындарына хоккей ойындары қызықты, - деді ШҚО әкімі Даниал Ахметов.

Жөндеу жұмыстары келесі жылдың көктемінде өз жалғасын табады. Яғни, көрермендердің орны 4400-ден 5500-ге дейін ұлғайтылып, жаңа трибуналар пайда болып, ескілері жөнделеді. Ал Үлбі өзені жағынан 300 орындық автокөлік тұрағы пайда болады.

Айта кету керек, кеңейтілген Спорт сарайының терезелері ең жаңа технологиямен әзірленген. Яғни, күннің көзін ғимарат ішіне кіргізбей, суықты іште сақтап қалуға мүмкіндік береді.

Ақерке Рағызбаева