Қазақстан 
Өскеменде 4 мыңға жуық бала балабақшаға бара алмай отыр
Мектепке дейінгі мекемелерде орындардың аздығынан 2-5 жас аралығындағы балалар балабақшаға бара алмайтын болып отыр
Білім саласының шенеуніктері Өскемен қаласында балабақшаға кезек жоқ, облыс орталығындағы балалардың 98%-ы мектепке дейінгі біліммен қамтылған деп айқанымен, тамыз кеңесінде білім бөлімінің басшысы Мәдениет Ахметова балабақшалардағы орындардың аздығын тілге тиек етті.
- Мектепке дейінгі білім беру жүйесінде қабылданып жатқан шараларған қарамастан, балабақшалардағы орындардың тапшылығы әлі де өзекті. Өйткені қазіргі уақытта мектепке дейінгі білімді алуға 2-5 жас аралығындағы 3875 бала кезекте тұр, - деді Өскемен қалалық білім бөлімінің басшысы Мәдениет Ахметова.
Бұл мәселені жергілікті билік өкілдері жеке балабақшаларды ашу арқылы шешпекші. Қаламызда олардың құрысына қаржы салуға дайын отырған кәсіпкерлер бар екен. Осылайша, мемлекеттік-жеке серіктестік аясында Өскемен қаласында 6 балабақша салу жоспарланып отыр. Білім бөлімінде бой көтеретін балабақшалар қаланың сол жағалау бөлігінде, яғни, тұрғынүй құрылысы қарқынды дамып жатқан аймағында салынатынын да айтып өтті.
