Тайынты ауылында жел электр станциясы салынады

Аудан әкімінің сөзіне сүйенсек, құны 20 млрд теңгені құраған инвестициялық жоба Ұлан ауданын толықтай электр энергиясымен қамтамасыз етуге қауқарлы.
         Аталмыш жел электр станциясы германиялық HUBEI HONGYUAN POWER ENGINEERING және «Spain Consalting» ЖШС инвестициялық компанияларының есебінен салынатын болады.
         - Аталған жоба екі жыл көлемінде іске асатын болады, - деді Шығыс Қазақстан аймақтық коммуникациялар қызметінде өткен баспасөз мәслихаты барысында Ұлан ауданының әкімі Дәулет Батырбаев. - Бірінші жылы станцияға апаратын жолдар салынып, электр желісі тартылса, келесі жылы құрылғылар орнатылады. Қазіргі күнде шетелдік инвесторлармен келісімшарт құрылып, жоба құжаттары толықтай әзір болды. Сондықтан құрылыс жұмыстары жуық арада басталады.
          Сондай-ақ, станция құрылатын таулы аймақтағы жел күші де есептелінуде. Егер жел күші қажетті нормаға жететін болса, станция ауданды толықтай электр қуатымен қамтамасыз етпек.
 
Ерке Мұхаметкәрім