«А1» кіші санатындағы куәліктер кімдерге беріледі?

Қазақстан Республикасының 2014 жылғы 17 сәуірдегі № 194-V ҚРЗ «Жол жүрісі туралы» Заңына сәйкес ең жоғары конструктивтік жылдамдығы сағатына елу километрден асатын, іштен жану қозғалтқышының жұмыс көлемі 125 текше сантиметрден аспайтын және ең жоғары қуаты 11 киловаттан аспайтын мотоциклдер, трициклдер, квадрициклдер және мопедтердің жүргізушілерінде «А1» кіші санатындағы куәліктері болу керек.

- «А1» кіші санатындағы көлік құралдарын басқару құқығы он алты жасқа толған тұлғаларға беріледі. Сондай-ақ «А» санатындағы көлік құралдарын басқару құқығына ұлттық жүргізуші куәлігі «А1» кіші санатындағы көлік құралдарын басқару құқығын да растайды, - деді ШҚО ІІБ баспасөз қызметінің басшысы Бақытжан Торғаев.

Сонымен қатар мемлекеттік тіркеу нөмірі ең жоғары конструктивтік жылдамдығы сағатына елу километрден асатын мотоциклдер, трициклдер, квадроциклдер мен мопедтерде міндетті түрде болуы керек.

Ерке Биғазина