Қазақстан бойынша мерекелік жаппай сатылымдар басталады

Акция кезеңінде сауда субъектілері халыққа азық-түлік және азық-түлік емес тауар топтарына 10–70 пайыз аралығында мерекелік жеңілдіктер ұсынады, деп хабарлайды Устинка LIVE тілшісі.

ҚР Сауда және интеграция министрлігі мәліметінше, Акцияға ішкі сауда саласының шамамен 300 субъектісі қатысады. Олардың қатарында 140 сауда үйі мен сауда-ойын-сауық орталығы, 140 сауда желісі және 20 электрондық сауда субъектісі бар. 

ШҚО-да:

• "City Center" СО
• "45-ші гастроном" СҮ
• "Family Market" СО
• "Самал" СҮ
• "Magnum" СО
• "Алтай маркет" СҮ
• "Алма стор" СО
• "Колос" СҮ
• "Волна" СҮ
• "Фараон" СҮ
• "ТНП" СО
• "Император" СҮ

Акциялық тауарлар сауда залдарында арнайы мерекелік навигация және "Nauryz" фирмалық безендіруі арқылы белгіленеді. Атап айтқанда, тақырыптық баға белгілері, брендтелген көрсеткіштер, баннерлер және басқа да POS-материалдар орналастырылып, сатып алушыларға ассортиментте оңай бағдарланып, жеңілдікпен ұсынылған тауарларды жылдам табуға мүмкіндік береді, - деп хабарлады ҚР Сауда және интеграция министрлігі. - Акция аясында отандық өндірушілерді қолдауға ерекше назар аударылады. Сауда орталықтарында қазақстандық өндірушілердің өнімдері ұсынылатын арнайы сату аймақтары ұйымдастырылып, онда тауарлар нарықтағы бағадан орта есеппен 10–20 пайызға төмен бағамен сатылатын болады.