Оқушылар 10 күнге қысқы демалысқа шығады

Жаңа жылдық мереке қарсаңында қазақстандық оқушылар қысқы демалысқа шығады, деп хабарлайды Устинка LIVE тілшісі.

ҚР Оқу-ағарту министрлігі ақпараты бойынша, қысқы каникул кезеңі 2025 жылдың 29-желтоқсаны мен 2026 жылдың 7-қаңтарын қоса алғанда он күнге созылады.

Министрлік мектеп оқушыларының қысқы демалыстағы бос уақытын тиімді өткізу және жеке тұлғалық қасиеттерін дамыту үшін "Адал азамат" біртұтас тәрбие бағдарламасы аясында бірқатар іс-шаралар өткізуді ұсынады.

Балаларға бос уақытында:

• кітап оқу;
• музейлерге, көрме залдарына, ғылыми орталықтарға және тарихи ескерткіштерге танымдық экскурсияларға бару;
• спорттық ойындарға қатысу, коньки, шаңғы тебу;
• қайырымдылық акциялары және басқа да іс-шараларға қатысу ұсынылады.

Мектептерде, қосымша білім беру ұйымдарында бірқатар білім беру, спорттық, мәдени және шығармашылық іс-шаралар өткізу ұсынылады.