Қазақстан Қазақстанның бірнеше қаласынан жат діни ағым жақтастары ұсталды
Олар жанындағыларға және әлеуметтік желі арқылы да терроризмді насихаттаған
Ұлттық қауіпсіздік комитеті биыл қараша айында Алматы, Ақтөбе, Қонаев және Шымкент қалаларында деструктивті діни ағымдарды жақтайтын 6 адамды ұстады, деп хабарлайды Устинка LIVE тілшісі.
Тергеудің болжамы бойынша, олар діни негізде шабуылдар мен кісі өлтіруге шақырулар таратқан, сонымен қатар зайырлы тәртіпке қарсы шыққан. Тінту барысында олардан атыс және суық қару, сондай-ақ көптеген діни әдебиеттер тәркіленді. Сот санкциясымен аталған тұлғалар қамауға алынды, - деп мәлімдеді Ұлттық қауіпсіздік комитетінің баспасөз қызметі.
Сонымен қатар, 3 қарашада терроризмге шақыру материалдарын таратқан Ақтөбе облысының тұрғыны 7 жылға бас бостандығынан айырылды. Үкім заңды күшіне енді.
Жыл басынан бері ҰҚК органдарының материалдары бойынша террористік және экстремистік әрекет үшін 83 адам ұсталып, 97 адам сотталған.