Қазақстан Онлайн казино ұйымдастырған 9 адам бас бостандығынан айырылды
Ақтөбе қаласында "bingo37.pro" мобильді қосымшасы арқылы заңсыз ойын бизнесі ұйымдастырылған
Қылмыстық кірістерді заңдастырған ұйымдасқан топқа қатысты сот үкімі шықты, деп хабарлайды Устинка LIVE тілішісі ҚР Қаржылық мониторинг агенттігі ақпаратына сүйеніп.
Қатысушылардан түсетін ақша аударымдарын операторлар қабылдап, оларды платформада тіркеп, әрбіріне "логин", "пароль" және ойындарға кіруге сілтеме беріп отырған.
Заңсыз онлайн казиноның күн сайын 150 000-нан 200 000 теңгеге дейін түсіп отырған. Қылмыстық кірістерді жылыстату мақсатында алаяқтар "дропперлерді" тартқан, яғни банктік карталары арқылы ақшаны қолма қол айналымға өткізген, - деп мәлімдеді ҚР Қаржылық мониторинг агенттігі.
Ұйымдастырушыларының бірі 2020 жылы дәл осындай қылмыс бойынша қолға түсіп, жазаланған. Бірақ соған қарамастан заңсыз қызметін тоқтатпаған.
Сот үкімімен кінәлі тоғыз адамға 2 жылдан 9 жылға дейін бас бостандығынан айыру жазасы тағайындалды. Сонымен қатар, қылмыстық кірістерге алынған үш автокөлік тәркіленді.
Үкім заңды күшіне енген жоқ.