Қазақстан Енді ЖИ жол үстіндегі шұңқыр мен ойықтарды анықтайды
Қазақстанда автомобиль жолдарын бақылау үшін SRDS (Smart Roads Diagnostics System) жүйесі енгізілді
Бұл жүйені Жол активтерінің ұлттық сапа орталығы әзірлеп, патенттеген, деп хабарлайды Устинка LIVE тілшісі.
Жасанды интеллекттің көмегімен әр 100 шақырымды қамтитын деректерді өңдеу уақыты 4 күннен 4 сағатқа дейін қысқарды. SRDS жол жамылғысындағы шұңқырлар мен ойықтарды автоматты түрде анықтап, олардың көлемі мен ұзындығын өлшейді, - деп хабарлады Жол активтерінің ұлттық сапа орталығы. - Диагностика арнайы жылжымалы зертханалар арқылы жүргізіледі. Жыл сайын жасанды интеллекттің көмегімен 15 мың км республикалық және шамамен 5 мың км жергілікті жолдар тексеріледі.
ЖИ арқылы жүргізілген тексерістердің нәтижесінде жол жөндеу және реконструкциялау жұмыстары жоспарланады. Бұл бюджет қаражатын ұтымды пайдалануға мүмкіндік бермек.